अवेळीचा पाऊस आणि तू ......
अवेळी येणार्या पावसाला पाहून
मला आठवतेस ती , तू
धांदल, गडबड उडवणारी ,
चकीत करणारी तू
मी येतेय रे , आपण भेटूया
असल्या क्षूल्लक शिष्टाचारात न पडणारी तू
रोजच पडतोय असा येणारा पाऊस
आणि कालच भेटल्यासारखी बोलणारी तू
अवेळीच्या पावसाला मी हरखून पाहत राहतो
जसं वर्षभराचं एकदम बोलणारी तू
झाडं,रस्ते,बिल्डींग,बंगले सगळ्यांना चैतन्य देणारा पाऊस
माझ्या मनाचं मळभ हटवणारी तू
अवेळी आला तरी सुखावणारा पाऊस
प्रसन्नतेचा शिडकावा करणारी तू
अवेळी येणार्या पावसाला पाहून
मला आठवतेस ती , तू !
No comments:
Post a Comment